PROKLEMASIE JEUGDPRINSEPAAR 2008


Samen: Louvermenkes & Louverwiêfkes,

Jong Nederland haet ‘t veurgesjtèld, karnevalsvereniging ‘De Louvermen’ haet ‘t good gevònje en w’r höbbe de sjteun van ’t nuut Prinsepaar Prins Roger de 1 ste en Prinses Mascha. W’r sjtèlle òs aeve veur:

Prins: Ich bèn Prins Manu de 1ste,

Prinses: en ich bèn Prinses Bo.

Samen: Weer zulle dit jaor, same mit Prins Roger 1 ste en Prinses Mascha, d’r veur zörge, det ‘t eine te gekke vastelaovend in 't Louverriêk wurt, wò’t g’r nog lang en mit vööl plezeer aan zult trök dènke­. Biê deze òs puntje:

Prins: Ten eërste: det w'r ooze veurgengers prins Marco d'n 1ste en prinses Liesje wille bedanke veur de fantastische meneer, wò-op ze veurig jaor es jeugprinsepaar veurop zeen gegange in de Buchtese vastelaovend. Ze höbben ’t geweldig gedaon.

Prinses: Ten tweëde: det w’r allebei òntzettend bliê zeen òm jeugprins en jeugdprinses te zeen en det w’r nog neet good kènne geluive det daen druim noê werkelikheid wurt.

Prins: Ten derde: det Prins Roger neet mòt dènke det hae ’t noê allein veur ’t zègke haet biê ’t keuninklik awt viefde, ich sjpraek aug nog ’n weurdje mit.

Prinses: Ten veerde: det ich es buchtese jeugprinses noê zellefs in Bor op de sjoal de zepter sjwej en juffrouw Marlies en Lilian mich neet motte laote raekene, want dao höb ich noê geine tiêd veur, ich mòt noê nao vastelaovesmeziêk loêstere.

Prins: Ten viêfde: det meister John mich mit dees daag neet lestig mòt valle mit allerlei lesse en det de pauzes get langer kènne doere, zoadet w’r in polonaise euver de sjpeelplaats kènne laupe.

Prinses: Ten zösde: Det w’r mit dees daag toes allein nog sjmörges sjpek en eier aete en saoves friet mit es naogerech ’n nònnevot. Det vènje w’r allebei lekker en dan mòtte de pap en de mam zich mer aanpasse.

Prins: Ten zevende: det de sjötte, òmdet Prins Roger en ich allebei biê de sjötterie zeen, allemaol mit kènne loupe in de polonaise, want mit dees daag loupe die toch neet in de maot en in de polonaise kènne ze aug nog eine drèngke.

Prinses: Ten achste: det w’r noê òs awwers èns gaon veurdoon wie ’t is òm mit vastelaovend prins en prinses te zeen. Dao kènnen ze mesjien get van leëre. Waal maoge ze ummer veur òs de bònne haole, want det wille w’r neet kènne.

Prins: Ten neugende: det die groate klup van ’t keuninklik awt viefde mit minstes 3 groepe mòt mitdoon aan de mini-maksi-pleebeksjoo, beveurbeeld eine keër de dames allein, den de mansluuj allein en den nog èns de kènjer.

Prinses: Ten teënde: det ich ’t zeker leuk zouw vènje es de pap en de mam van òs en aug Prins Roger en Prinses Mascha mit hun 2 kènjer Mex en Daan mitdoon aan die pleebeksjoo en es beloning daoveur haole weer die dan ‘n glaas beer.

Samen: Ten èllefde: W'r besjloete mit òs motto: Weer loupe in de polonaise veurop

den kènt de vastelaovend in Buchte neet kepot

Alaaf, alaaf, alaaf

 

Buchten, 11 jannewarie 2008

Jeugdprins Manu I & Jeugdprinses Bo