PROKLEMASIE JEUGDPRINSEPAAR 2009

Samen: Louvermenkes & Louverwiêfkes,

Jong Nederland haet ‘t veurgesjtèld, karnevalsvereiniging ‘De Louvermen’ haet ‘t good gevònje en w’r höbbe de sjteun van ’t nuut Prinsepaar Prins Paul de 3 de en Prinses Pia. W’r sjtèlle òs aeve veur:

Prins: Ich bèn Prins Mike de 1ste,

Prinses: en ich bèn Prinses Sem.

Samen: Weer zulle dit jaor, same mit Prins Paul de 3 de en Prinses Pia d’r veur zörge, det ‘t eine te gekke vastelaovend in 't Louverriêk wurt, wò’t g’r nog lang en mit vööl plezeer aan zult trök dènke­. Biê deze òs puntje:

Prins: Ten eërste: det w'r ooze veurgengers prins Manu d'n 1ste en prinses Bo wille bedanke veur de fantastische meneer, wò-op ze veurig jaor es jeugprinsepaar veurop zeen gegange in de Buchtese vastelaovend. Ze höbben ’t geweldig gedaon.

Prinses: Ten tweëde: det w’r allebei òntzettend bliê zeen òm jeugprins en jeugdprinses te zeen en det eine druim noê veur òs is oêtgekòmme.

Prins: Ten derde: Det de prinse en prinsesse van veurig jaor oêt ’t keuninklik auwt viefde ein eige optreje verzörge biê de mini-maxi-pleebeksjoo van Jong Nederland Buchte.

Prinses: Ten veerde: det miêne pap mit dees daag neet in de polonaise hoof mit te doon, mer aan de bar alle mitwirkers in de gate mòt hawte òm te zörge, det die neet sjtil kòmme te sjtaon

Prins: Ten viêfde: Det weer es jeugprinsepaar alle kènjer van sjoal en Jong Nederland oproope òm aug dit jaor weer allemaal mit te doon aan de Buchter vastelaovend, zoa det weer die awwere veur doon wie ’t mòt.

Prinses: Ten zösde: Det nao alle vastelaovesdaag de sjoal get later begint, den kènne weer oêtsjlaope naodet w’r höbbe mòtte sjprènge op de meziêk van de Plekbòkse.

Prins: Ten zevende: Det weer dit jaor es vertegewoordigers van ’t Keuninklik auwt viêfde ekstra òs bès gaon doon en daoròm môtte die van ’t auwt viêfde òs neet allein laote en ummer achter òs aan kòmme in de polonaise.

Prinses: Ten achste: Det jufrouw Marisya en meister Stevie òs in de klas mit rös motte laote, zoadet weer kènne oêtröste van ’t laupe in de polonaise.

Prins: Ten neugende: Det de traeners van de voetbal mich neet te hel motte laote renne, maar det ze zellef ‘n optraeje verzörge biê de mini-maxi-pleebeksjoo.

Prinses: Ten teënde: Det die van de Wieze Raod same mit òs en prins Paul de 3 de en prinses Pia d’r veur zörge det dit eine ònvergaetelikke vastelaovend wurd.

Samen: Ten èllefde: W'r besjloête mit òs motto: Mit ’t Keuninklik auwt Viêfde achter òs aan

Gaon weer der keihél taegenaan

Alaaf, Alaaf, Alaaf

Buchten, 23 jannewarie 2009

Jeugdprins Mike I & Jeugdprinses Sem